Sigrún Aðalheiður

Við komum heim úr Akureyrarferðinni í gærkvöldi. Ég var voða góð í bílnum báðar leiðir, á leiðinni norður vaknaði ég við Staðarskála og fékk mér að drekka, sofnaði svo aftur og svaf alla leið til Akureyrar. Á leiðinni til baka vaknaði ég á Blönduósi og fékk mér að drekka og vakti þá í svolitla stund, sofnaði svo aftur og vaknaði ekki fyrr en heima hjá Jónu ömmu á Ísafirði!
Það var bara gaman á Akureyri núna. Ég og pabbi höfðum það bara notalegt meðan mamma var alltaf á einhverjum þeytingi í skólann. Mamma var svolítið lasin og kom ekki upp orði á þriðjudaginn og varla í gær heldur, hún er núna öll að hressast. Við mamma og pabbi fórum í búðir á Akureyri og keyptum næstum allar jólagjafirnar! Mömmu finnst voða gott að vera búin að kaupa þær snemma, þá þarf ekkert að vera að stressa sig á þorláksmessukvöld :)
Ég og pabbi fórum og heimsóttum shell-kallana og svo fórum við með mömmu í jólahúsið, ég svaf bara í jólahúsinu en ég grenjaði smá á shell-kallana.
Mamma og pabbi eru voða stolt af mér því að ég velti mér af maganum yfir á bakið meðan við vorum fyrir norðan :)
Mamma skrópaði svo í síðustu tímunum í gær til að við kæmumst fyrr af stað, og við vorum komin hingað um níuleytið í gærkvöldi.

kv, Sigrún Aðalheiður

Jæja nú er litla fjölskyldan að fara að drífa sig til Akureyrar, mamma þarf að fara í skólann og ég og pabbi ætlum að hafa það notalegt á Akureyri á meðan.
Ég skrifa ykkur allt um þetta þegar við komum til baka

bless bless, Sigrún Aðalheiður

fullt af nýjum myndum

kv, Sigrún Aðalheiður

hæhæ, ég varð tveggja mánaða í gær, 14. nóvember. Ég fór með mömmu í ungbarnaskoðun í morgun og ég er orðin 57 cm og 4500 gr, ofsalega stór og flott stelpa :)
Ég er líka farin brosa svakalega mikið og er alltaf jafn góð að sofa á nóttunni fyrir mömmu og pabba. Ég stari stundum lengi á tásurnar mínar, sérstaklega þegar þær eru í skrautlegum eða doppóttum sokkum og brosi svo og hlæ á þær. Ég er líka farin að spjalla heilmikið við mömmu og pabba þegar þau eru að spjalla við mig. Ég er orðin mjög dugleg að halda hausnum minum og þegar ég ligg á gólfinu á maganum lyfti ég mér upp og get haldið hausnum mjög lengi. Ég get líka snúið honum af vinstri yfir á hægri hlið og öfugt þegar ég ligg á maganum. Er ég ekki orðin dugleg?
Við mamma erum búnar að vera í ungbarnanuddi og mér finnst alveg rosalega notalegt að láta nudda mig, þó að ég verði stundum svolítið þreytt á henni mömmu ef hún tekur sér of langan tíma í þetta. Ég er núna í pössun hjá ömmu í Móholti meðan mamma er í skólanum. Henni finnst alveg hundleiðinlegt að þurfa alltaf að vera að senda mig í pössun, en svona er þetta nú bara.

kv, Sigrún Aðalheiður

hæhæ
Mamma og pabbi héldu innflutningspartý á laugardagskvöldið, ég var í pössun hjá Jónu ömmu svo þegar amma var að fara að sofa og mamma og pabbi og vinir þeirra að fara á ball þá fór mamma og sótti mig til ömmu og Ólöf Anna og Anna María komu heim til mín að passa mig. Mömmu fannst voða skrýtið að skilja mig svona eftir og var alltaf að kíkja á símann sinn, að gá hvort þær hefðu nokkuð hringt í hana. En ég var auðvitað bara góð hjá stelpunum og svaf allan tíman, enda var líka nótt!
Stelpurnar í partýinu voru allar að skoða mig og voru voða skotnar í mér :)

Svo á sunnudaginn þá fór ég í veislu. Það var verið að halda upp á 60 ára afmæli unglingadeildarinnar Hafstjörnunnar sem pabbi var í þegar hann var yngri og ég og mamma fórum auðvitað líka :)

Þegar við vorum búin í veislunni fórum við svo í mat til ömmu og afa í Móholti og vorum þar alveg fram á kvöld.

Hildur systir hans Henrys afa lánaði okkur svona talstöðvar svo núna get ég farið að sofa fyrir utan heima í vagninum mínum þegar veðrið er gott. Frábært, takk Hildur.

kv, Sigrún Aðalheiður

Mamma fór í bankann í dag og stofnaði fyrir mig framtíðarreikning, sem er lokaður þangað til ég er 18 ára! Ég fékk svaka flottan bauk og hringlu frá bankanum :) Aftur lenti mamma svo í því að nafnið mitt var of langt, það komst ekki á bankabókina, þannig að það stendur bara Sigrún A. Aradóttir
Skrýtið að það sé ekki gert ráð fyrir löngum nöfnum, ekki einu sinni í bankanum! Annars er Sigrún Aðalheiður ekki svo mjög langt nafn. Langalangafi minn hét Stígur Bæring Vagn Haraldsson og bróðir hans hét Frímann Sigmundur Jón Haraldsson svo á ég einn frænda sem heitir Ásgeir Guðmundur Helgi Jónsson, hvað ætli standi á bankabókinni hans?
Annars er mamma núna að skrifa þetta í skólanum, Jóna amma er farin aftur að vinna, hætt í verkfalli, allavega í bili, og þess vegna er ég í pössun hjá ömmu og afa í Móholti :)

kv, Sigrún Aðalheiður